Riba prome diasabra di aña, 2 di januari, 2021, lo bay tin celebracion di Santa Eucaristia cu un santa misa na Kapel di Alto Vista y na San Nicolas den Kapel Cas Curason di Maria (Blue Army).
Pa 6:15 am ta cuminsa cu Santo Rosario. Pa 7’or Pastoor Juancho ta celebra Santa Misa, na kapel di Alto Vista. Comision hunto cu pastoor ta invita tur hende pa celebra Santa Eucaristia pa cuminsa un aña nobo cu speransa y mehoracion pa den e pandemia cu nos ta enfrentando pa 9 luna caba. Resa tur dia, pidi Dios pa drecha e situacion na mundo henter. Resa y gana Indulgencia plenaria si haci un bon confesion y asisti 5 prome diasabranan di luna na Santa Misa.
Riba diasabra ta resa Misterio Gososo, pa finalisa e santa rosario ta resa Salve Regina. Nos ta resa pa necesidad di Iglesia Universal, pa Papa Francisco, Obispo Luis Secco, tur sacerdote y diacononan. Pa nos Gobernantenan y tur cu ta carga responsabilidad pa nos pais Aruba. Laga nos resa pa tur enfermo di e pandemia cu ta reina riba nos islanan, pashentnan den hospital y den cas di nos grandinan. Den hogarnan cu mayornan ta tristo pa un yiu stima cu a coy mal caminda. Otro ta bishita un trahado social profesional pa ayudo, pa tur esnan den necesidad spiritual. Pa tur enfermo den exterior cu poder di Dios nan haya pronto recuperacion.
