Diadomingo mainta Polisnan di Santa Cruz a bay pura den direccion di e costanan panort di Aruba. A drenta informacion cu tin dos homber kier viola un dama den un rancho. Polisnan na yegada no a topa cu ningun violacion na e rancho. Mas bien a topa cu un dama y dos homber hopi dushi riba nan trip. Nan a manece ta bebe. Polis a papia cu nan pa asina saca afo si e dama mester di yudansa y si e yamada di emergencia ta cuadra. A resulta cu e yamada pa violacion tabata falso. Nan tabata bebe y a bay sigui coy nan trip den e rancho riba e caminda cu ta bay pa Natural Bridge.
Polis a busca datos y e dama cu tabata bebi tambe a cuminsa bira onbeschoft cu Polisnan. E ta papia spaño y e momento ey no por a mustra Polis documento valido di su status na Aruba. Mirando cu e tabata hopi bebi y pa su mesun seguridad, Polis a detene hibe warda. Mientrastanto un di e hombernan a sconde completamente pasobra e ta casa y no kier pa su casa mire. E otro cu ta doño di e auto si a keda trankil. E polisnan a chek informacion di e auto y a dicidi di confisca e auto tambe. Cu takelwagen a hiba e auto warda pa despues e doño pasa buske. Polis a yega stroba y kibra full e trip. A bay cu e dama y laga e dos hombernan atras nan so den e rancho prome cu Natural Bridge.
