Na MFA Santa Cruz diaranson mainta a duna inicio na examen di rijbewijs via computer. Minister di Husticia mr. Andin Bikker tabata presente y a expresa cu e logro aki ta basa riba innovacion, un prioridad importante pa Gabinete Wever Croes.
Prome di September 2018 a introduci un cambio den ley haciendo cu por pasa examen teoretico pa rijbewijs via computer. Pa logra esaki mester a prepara y busca ekipo nobo. A actualisa e ley pa e hobennan cu ta caba Colegio Arubano cu 17 aña y mester bay studia afo, cu por bin vakantie bek y pasa su rijbewijs sin ningun problema, sin cu nan mester inscribi di nobo na Censo.
Pa Minister Bikker esaki ta un dia historico pasobra mesora a cuminsa cu 60 persona pa dia cu por pasa examen via computer. Esunnan cu slaag mesora por haci e parti practico tambe. Asina cu nan pasa e testnan y nan slaag ta haya e rijbewijs di biaha. Esey ta bay den un proceso di tres dia unda un total di 180 persona tin oportunidad pa pasa nan examen. Automatisacion lo contribui eliminando retrasonan como ehempel di E-Governance cu ta mehora e proceso pa ciudadanonan cu mester un servicio di gobierno.
