Awe marduga un patruya di un compania di siguridad a avisa Polis cu na altura di e edificio bieu di ex Kadaster na Wayaca tin un auto sin taira parkeer. Tambe e miembro di siguridad ta corda di a mira un auto, mesun estilo, pero color cora, sali bandona e sitio ora e tabata pasando eybanda. E auto victima a keda riba 2 taira so!
Polis a topa cu e auto marca KIA, modelo Rio, color shinishi, numera A-57896, faltando 2 taira bou dje. Tambe a constata cu e bentana di e chauffeur tabata destrui. Probablemente a kibra bentana pa por a habri e bahul, yega na e hermentnan, pa por a los e tairanan y horta nan. Polis tin atencion pa e caso aki tambe.
