Diaranson mainta, pa mas of menos 8:15 am, polis a bay atende cu algun homer cu tabata lomba sunu riba parkeerplaats di Linear Park. Aparentemente tabata un grupo di hoben cu tabata rib’un trip y nan kier a bringa cu otro.
E prome unidad di polis cu a yega, a pidi pa refuerso. A bin dos unidad acerca. A resulta cu e personanan aki tabata riba un trip pisa y a para n’e sitio. Nan tabata bebe pisa, pasando boter di whiskey di boca pa boca. Polis a atende cu nan y a bisa nan cu nan mester a bandona e sitio. E hobennan a compronde y a bandona e sitio.
