Dialuna a drenta e noticia cu dokter Tim Peterson a stop di traha inmediatamente cu AZV y su aseguradonan. Minister di Salud a indica cu Gobierno d Aruba (AZV) a haci tur lo posibel pa evita cu dokter Peterson lo bay.
Minister di Salud, Dangui Oduber, ta haya e situacion lamentable. Un situacion cu a cuminsa na 2021, unda cu hospital a introduci un reglamento pa e ciruhanonan (vakgroep reglement) cu tur ciruhano cu kier traha na hospital mester traha cu ne.
Pero dokter Peterson e tempo ey a nenga di firma e reglamento ya cu e no ta di acuerdo cu ne. Esaki ta un exigencia, un condicion a pone pa tur otro ciruhano. Tur otro ciruhano si a firma esaki.
Despues di un periodo largo di negociacion, sin cu por a yega na un acuerdo cu otro, Gobierno di Aruba a invita dokter Peterson pa un combersacion, pa scucha su banda di medaya, pa purba soluciona e situacion cu a presenta. A sigui un periodo unda cu e situacion entre dokter Peterson y Hospital a escala, unda cu e ultimo aki a dicta cu si dokter Peterson no firma e reglamento, e no ta bon bini mas na hospital.
Mas aleu, minister Oduber a sigui bisa, cu dokter Peterson a bin c’un proposicion unda cu el a pensa di traha na ImSan den loondienst. Na e momentonan aki, dokter Peterson ta un ‘vrijgestelde specialist’. Gobierno (AZV) a haci tur lo posibel pa evita cu dokter Peterson termina su contrato.
Pa un relato mas amplio, lesa TREMPAN.
