Via camara di siguridad a capta con un señora di edad respeta a horta den Save A Lot awe diadomingo merdia. El a drenta como cliente y eyden a bira un ladron. El a pasa man pa un bara di carni y a scond’e pa por a sali cu ne y bay sin paga. Pero, e personal atento a par’e prome cu el a logra sali for di e supermercado.
Dado momento el a bisa polis cu e kier a paga pero e momento ey tabata laat caba. Esunnan di e supermercado na Boegoeroei a dicidi di entrega un keho. Motibo pa bay over mesora na detencion. Ora cu el a bisa cu e kier paga, despues di pone su mannan na boei, ta nifica cu e tin placa…pero toch kier a sali cu e carni sin paga. E señora ta un cara conoci di e bario di Dakota y ta un hende cu tin trabou, pues no ta den necesidad pa horta pa por come!
E polisnan cu ta atende e caso a transporta e sospechoso pa ward’i polis pa ey por present’e dilanti un sub-fiscal cu lo mester dicidi si ta want’e cera of ta lag’e bay cas pendiente su caso bin padilanti. No ta conoci si ta prome biaha e ta comete e acto aki den Save A Lot.
