E actual campeonnan di e Copa Mundial, recarga y invicto den nan ultimo shete weganan, diadomingo a hunga contra Polonia. Un wega cu e actual campeonnan a supera nan contricante 3-1.
A pesar cu e defensa di Polonia a haci tur lo posibel, pero n final tabata un triunfo comodo y simpel contra di un rival den cual e hungado di Barcelona, Robert Lewandowski, e strea Polaco, no por a haci mucho. Pero un penalty di VAR a permitie di cambia e resultado.
Olivier Giroud, c’un gol net prome cu descanso (minuut 44) y Kylian Mbappe, c’un dobbel (na di 74 y 91 minuut) a firma e victoria di Francia riba Polonia (3-1). Esaki ta sigura e actual campeon di mundo un pase pa e siguiente buelta, den cual nan lo mester enfrenta e ganado entre e partido di Inglatera y Senegal.
E cuadro di Didier Deschamps, cu a cuminsa e prome parti cu mal pia y incluso tabata na punto di keda atras rib’e marcado, unda cu nan dos ocasion Hugo Lloris y Raphael Varane tabata e salbacion di e cuadro Frances.
Pero sigur, Mbappe y Giroud , cu a bira e hungado estelar di e historia di e ekipo ‘bleus’ y ta seya e victoria c’un doblete di e atacante di PSG.
Mbappe ta marca historia, cu nuebe gol anota den un Copa Mundial cu apenas 23 aña.
