Diaranson pa mas of menos 3:50 am, polis a bay na un adres na Pos Chikito Complex pa un caso di hincamento.N’e sitio, nan a bin topa cu un homber benta abao, cu hinca na su lomba. A pidi asistencia di ambulance p’asina bin atende cu e persona, kende e momento ey tabata benta memey di caminda.
A bin compronde cu pa varios tempo caba e homber aki tabata maltrata su pareha, kende a cansa. Esey a conduci cu n’e momento ey, na momento cu el a bay maltrata su pareha, e wega a bolter, y e señora a pasa man pa un forki y a hinc’e na su lomba.Polis na su turno a detene e señora pa maltrato cu arma blanco y a hib’e warda pa fiscal auxiliar atende cu su caso.
Mientras tanto ambulance a hiba e homber hospital pa tratamento medico avansa.
