Ministerio di Husticia y Asuntonan Social a tene un ceremonia di homenahe pa ex-bombero como ex-trahado di Cuerpo di Bombero cu a bay cu pension. Durante e ceremonia e mandatario a hiba algun palabra, unda el a gradici nan pa e añanan di servicio como dedicacion na bienestar di Aruba.
Algun ex-bombero a fayece of ta malo, un familiar a ricibi e plakkaat. Nan tabata contento y orguyoso di a acepta esaki. E ex-bombero- y ex-trahadonan cu a bay disfruta di nan pension tambe tabata gradici p’e bunita gesto aki.
Ex-bombero Ocando Croes, conoci entre su ex-compañeronan como Candy, a cuminsa cu su 21 pa 22 aña y a traha pa 39 aña largo na Cuerpo di Bombero. El a siña hopi na Cuerpo di Bombero. Como un bombero e trabou tin hopi reto. Ora el a cuminsa traha, Croes a haci esey na otro banda di pista di aeropuerto y e tempo ey tabata politie brandweer. Di eynan a cuminsa traha diferente post, pero na 1975 nan a muda p’e post nobo.
Como cu e trabou tabata un reto, el a pasa den diferente cos manera accidente di auto, hende horca cu nan mester a baha, hende cu a cay na awa cu auto y mester a saca nan. E candela di mas grandi cu e ta corda ta esun di Club Visage. Croes a traha mas cu 24 ora para riba su pia. Den e candela di Visage, diferente luga a kima. Pa mas lesa TREMPAN.COM.
