Filomena Tromp, cariñosamente yama Mena, ta e prome empleada cu ta celebra 50 aña den servicio di Dr. Horacio E. Oduber Hospital.
Mena ta un icono den Facilitair Bedrijf y ta traha como administratief medewerker den cushina.
Stichting Ziekenverpleging Aruba ta masha orguyoso di su empleadonan, specialmente pa nan lealtad di hopi aña. Asina mes, esaki ta e prome empleada cu ta logra yega na 50 aña di trabou. Y manera por mira, ainda fuerte para riba su pianan y cla pa bay pa hopi aña mas!
Mena Tromp no ta ria pa trabou duro y hasta si e mester keda despues di orario di trabou of weekend e ta hacie cu un sonrisa. E ta un persona leal, corecto y y semper buscando e banda positivo di su coleganan pa e bienestar general di Hospital.
Un persona stima y respeta pa tur cu a traha cu ne durante su trayecto di 50 aña na hospital.
Pronto lo yama Mena ayo mirando cu e lo bay gosa di un pensioen bon mereci pero prome cu esey un danki grandi ta na su luga pa 50 aña di tremendo trabou.
