Diamars ultimo a detene e homber Richard v/d Berg, biba na Jaburibari. Ta sospech’e di a mishi cu un mucha. E tabata traha na Setar y a bay cu pensioen. Actualmente e ta duna bijles na mucha na su cas na Jaburibari. Un menor femenino entre 11 y 12 aña a bay conta e mama cu Richard v/d Berg a mishi cu ne.
Pa algun tempo e aña aki e tabata laga mucha muhe sinta banda di dje den e local ora di duna bijles. Prome e tabata caricia e menor na su pia. Awo el a bay asina leu di mishi hasta cu su parti delicado. E yiu a yega cas conta e mama cu a bay mesora duna un keho.
Autoridad no a drumi riba e caso. A tuma e keho y declaracion y djey bay over na busca Richard v/d Berg. A detene y e mester duna cuenta. Awo mester bay saca afo si tin mas mucha cu Richard v/d Berg a mishi cu ne durante cu e ta duna bijles na cas,
Awendia ta dificil confia hende cu bo yiu. Bo ta laga bo yiu tuma bijles sin pensa cu e persona aki ta probecha y abusa di e confiansa. Si tin mas mayor cu tin yiu ta tuma bijles, ta bon pa nan papia cu nan yiu y purba saca afo si el a mishi cu nan tambe. Pa awo e ta un sospechoso di mishi cu mucha pendiente investigacion.
