Diasabra anochi laat net prome cu 12:00am a spacha un patruya di polis pa un cas situa na Madiki. Na un prome instante ta papia di un pelea grandi, pero ora polis a yega a resulta cu ta un caso di menasa.
A detene un homber y transport’e pa ward’i polis. Prome cu esey, ora a listr’e na su curpa a haya un cuchiu. Parce esey el a uza pa menasa esunnan na e cas ey.
Polis lo present’e dilanti un Fiscal Auxiliar pa e dicidi riba su encarcelacion of posibel persecucion penal. Menasa cu un arma, aunke ta arma blanco, ta un crimen castigabel pa nos leynan penal.
