| Faltando algun minuut prome cu e di dos dia di Pasco caba, cu Polis a responde riba un yamada cu na Bloemond, na Paradera, tabatin un auto para memey caminda. Parce cu e chauffeur tabata burachi y riba dje a cuminsa sinti su mes malo. Polis a yega mesora y enberdad a topa cu e auto para memey caminda. A constata cu e chauffeur no tabata apto mas pa stuur y a deten’e n’e sitio. A hala e auto y a parkeer e na banda di caminda pa no stroba trafico, mientras a pidi pa transporte special pa hiba e sospechoso pa ward’i polis pa asina un Sub-Fiscal determina kico lo pasa cu e persona aki. |
