Awe mainta e departamento di “Jeugd en Zeden Politie” (JZP) a detene un homber pa abuso sexual di menor. A deten’e na un cas na Tarabana. Ta trata aki di e homber di inicialnan
F.G.J.P. naci na Aruba di 36 aña di edad. Ta sospech’e di violacion di 2 menor di edad.
E articulonan di nos Codigo Penal cu e homber ta sospecha di a viola ta:
- art 2:197 (Violacion)
- art. 2:200 (Acto nan sexual cu un menor di 12 aña pero no a yega e edad di 16 aña )
- art. 2:203 ( Persona cu ta haci actonan sexual cu un otro persona door di duna placa of un regalo of door di gaña e persona cu no a yega e edad di 18 aña) y
- art 2:204 ( persona cu ta haci actonan sexual cu un otro persona cu ta pone su mes disponibel pa haci actonan sexual aki ricibiendo cen y ta e edad di 16 aña pero no a yega e edad di 18 aña ainda)
Pa polis por resolve mas caso, cooperacion y informacion di pueblo di Aruba ta hopi importante. Pesey ta pidi si tin cualkier informacion, yama e tiplijn di polis na 11141. Ta garantisa cu bo ta keda anonimo.