Diabierna mainta, polis mester a actua cu man duro contra un homber den Palisiaweg. A pidi asistencia di polis debi cu e homber lo tabata bao di influencia di un ke otro substancia y tabata hopi agresivo na cas.
A purba di atende cu ne, pero no a logra. Pa e motibo aki a manda pidi refuerso, pa asina por a domina e situacion.
Den proceso di detencion, e homber no kier a coopera y tabata manda man y pia den direccion di polis. No a keda nada otro di a boei e homber na man y pia, pa asina nan por a logra hinc’e den transportwagen.
A hib’e warda di polis caminda e mester a aparece dilanti di fiscal auxiliar, pa despues haya un cuarto gratis pa e baha fo’i su haltura.
