Tur loke minister Chris Romero a bin pidi na Parlamento di Aruba durante di un reunion publico, ta e placa cu Post Aruba NV sa haya caba pa nan por sigui opera, paga salario di trahadonan y tambe nan debe.
No ta un secreto publico cu e compania estatal tin un problema di likides y no ta pidi pa nada extra. Tur loke nan kier ta loke tin presupuesta caba y ta den e ‘ontwerpbegroting’ di 2021.
Esey ta algo cu tur aña Post Aruba NV ta haya como ayudo.
Door cu no a trata presupuesto 2021, a presenta den parlamento pa pidi e sosten pa haya esaki pa Post Aruba NV por sigui draai, paga trahado y diferente cos cu nan ta responsabel pe.
Riba e presupuesto pa aña tin poni cu Post Aruba ta haya 3.8 miyon for di Land Aruba como subsidio. Esaki ta bay den fase. Loke ta pidi ta 2.8 miyon florin, di e 3.8 miyon.
Esaki ta loke nan tin mester pa por sigui opera. No ta nada nobo, pero si ta necesario. Asina mes di e problemanan aki, Post Aruba NV no a para keto y a sigui diversifica den otro tipo di servicio.
E pandemia a haci cosnan un tiki mas dificil pa nan por a opera y cubri cierto cosnan cu normalmente nan tabata haci. Ta pa e motibo ey e peticion a bay na parlamento pa duna e permiso pa por haya e suma cu nan sa haya caba pa nan por sigui cu nan operacion.
Pa mas detaye lesa Matutino TREMPAN.
