Diasabra anochi alrededor di 10:50pm polis, manera semper, ta hay’e ocupa riba Linear Park cu personanan cu ta aglomera. E biaha aki tur cos a bay trankilo, a pidi tur hende pa bay cas den un forma masha nechi.
Pero semper tin un individou cu no kier sigui ordo. Mesora a deten’e y transport’e pa warda di polis. Ta acus’e di no a sigui ordo di un polis den funcion.
Mester tene cuenta cu, contrario cu normal, cu den e ley di calamidad cu Gobierno ta renoba caba tres dia, ta prohibi pa keda den parkeerplaats di establecimentonan cu a cera caba, cu scucha musica y consumi bebida. Polis tin e poder pa core cu tur hende fo’i luganan publico asina despues di 11:00pm. Ta parce cu e baydonan di fiesta no ta compronde y tur weekend ta e mesun problema na e mesun luganan.
