Diasabra den oranan di atardi pasa di 5or tabata tin un caso serio cu cortamento na Papaya. Un dama a haya discusion cu su pareha. Parce ambos a agredi otro pero e dama a pasa man pa cuchiu y corta e homber.
Ora Polis a yega a atende cu e situacion y notifica recherche. Tambe a notifica cuerpo tecnico pa bin coy evidencianan. E ambulance tambe a presente. Paramediconan a analisa e situacion y a opta pa hiba e homber hospital mirando e seriedad di e corta.
Polis a detene e dama pa maltrato cu arma y intento di asesinato. Presencia di dogcatcher tabata necesario pa hiba e dama warda di Shaba pendiente e sospecho cu tin contra dje. Na Hospital despues cu a atende cu e homber e tambe a keda deteni.
