Diasabra marduga, pa mas of menos 2:40 am, polis a ricibi informacion di un accidente basta fuerte na altura di The Good Snack na Tanki Leendert. Aparentemente e auto tabata biniendo for di Shiribana riba un velocidad basta halto. E no por a brake na tempo cu e consecuencia cu el a dal contra un baranca, kibrando e auto. Na momento cu polis a yega, nan a bin topa cu e chauffeur benta abao, aunke na tino.
Polis a purba di yuda e chauffeur, pero esaki a nenga cualkier yudansa. Na momento cu ambulance a yega, tampoco e kier a drenta, pero na un manera tactico, polis a papia cu ne logrando p’e drenta ambulance p’e ricibi tratamento medico.
Di un manera of otro, despues di a ricibi ayudo di paramedico, mirando e condicion cu e chauffeur tabata aden, si e tabata bao di influencia sea di alcohol of di un ke otro substancia, polis a detene y hib’e warda pa e bin bij un tiki mas.
