Diabierna anochi a tuma luga un evento organisa p’e nominadonan pa loke ta e categoria hoben adulto di e proyecto Poder di Hubentud, titula Culturarte, unda cu por a bin celebra Aruba su cultura cu canto, baile, teatro interactivo y mucho mas.
Culturarte ta un proyecto cultural interactivo y innovativo. Tur cos a cuminsa ora cu a sinta na mesa y a comparti idea den e forma cu por organisa un actividad cultural pa hoben.
E grupo di hoben adulto nomina, ta sinti cu falta mas actividad cultural pa e hobennan na Aruba. Pa crea amor pa nos tradicionnan cultural, ta importante pa por conta cu actividad a base regular pa por duna cultura e atencion y balor cu e merece. E actividad aki tabata uno cultural innovativo unda cu a presenta canto, baile, declamacion di poesia entre otro na un manera innovativo.
E evento aki ta un serie di actividad di e proyecto Poder di Hubentud, empoderando asina e hoben treciendo asina su potencial. Pa un cobertura mas amplio lesa e edicion di TREMPAN di mañan.
