Diabierna atardi pa 6:00pm un motociclista a bay purba su suerte cu autoridad. Polis riba brommer a duna un scooter color preto señal pa para dilanti Huchada na Santa Cruz. E no a respeta e ordo y a cuminsa core p’e polis. E persecucion a dura por lo menos dos pa tres minuut.
E motociclista no por a haci mucho mirando cu su simpel scooter no por a bay mas duro compara cu e brommernan di polis. E persecucion a termina na altura di Piedra Plat # 68 ora cu e scooter a ripara cu su bataya ta perdi. A deten’e pa e bay duna cuenta pa su acto.
