E siman aki a continua control den trafico, for di dialuna por a tuma nota di entre otro polis motorisa na diferente punto di control. Na Keito Noord a para un vehiculo cu no tabata tin su papelnan na ordo y cual a hiba na confiscacion di su auto.
Esaki a sosode alrededor di 5:30PM diamars, na altura di Keito. Unidad motororisa di polis a duna instruccion na un chauffeur pa para su vehiculo (alteza A-54593) pa control.
Mirando cu e no por a presenta papelnan necesario, polis a bay over na confisca e vehiculo y pidi takelwagen pa transporta esaki. E trasnporte cu a presenta lo a maniobra, sigura e vehiculo y cuminsa proceso ta takel e auto. Local e no a tene na cuenta, mirando cu e no a baha ningun memento for di su auto, ta cu e la rasca full e bumber parti abou di e vehiculo confisca.
E chauffeur di e Altezza ( di fam DijkhoFf , miho conoci como Bebi) a bira furioso. Manera un persona loco a cuminsa insulta agresivamente e chauffeur di e takelwagen. Na mes momento a cuminsa manda insulto den direccion di polisnan presente y cuestionando ken lo bay cubri gasto di e daño cometi na cu vehiculo. Den e mes un rosea a duna polis di sa cu el a caba di sali despues di 5 aña for di KIA, cu apenas e tin dos siman afo y cu e ta sinti cu ya polis a cuminsa molesti’e.
Di otro banda, polis a informe cu cualkier gasto lo ta riba cuenta di gobierno, contal cu e por regla su papelnan y trece esakinan na momento di busca su vehiculo bek.
