Dialuna mainta Minister di Deporte Sr. Dangui Oduber tawata presente na Piscina Olimpico Roly Bislick caminda e mandatario a haci e apertura di landamento escolar pa Zwemdiploma A y B. “Nos ta biba riba un isla caminda landamento ta hopi esencial pa cada un di nos,” e mandatario a bisa.
Segun Minister Oduber e les di landamento escolar ta un proyecto cu ex-Minister Refunjol a introduci na aña 1992 pa tur mucha haya oportunidad pa siña landa. No tawata tur mucha tin e manera fininciero of transporte pa por bay un zwemschool. P’esey e gobierno di e tempo ey a habri man y ricibi e proyecto, cual awendia tur mucha ta haya e oportunidad pa siña landa gratis.
Minister Dangui Oduber ta manda palabra di gradicimento na tur e zwem instructeurs cu a yuda y guia tur e muchanan, Simar, Skoa, examinators, bestuur di piscina olimpico pa por realisa e dia di zwemexamen cu a tuma luga dialuna.
Minister Oduber a reconoce e gran labor di tur e zweminstructeurnan cu tin mas di 28 aña dunando les na scol pa yuda y siña nos muchanan. Esaki sigur ta algo di aprecia.
Pabien na tur e muchanan.
