Un ladron riba bicicleta a ser capta pa camera di siguridad. Esaki tabata den oranan di diadomingo marduga. Riba su bicicleta e ta yega y rek cabes cla pa mira kico tin pa horta. No a logra hiba algo di e cas specifico. Awendia cu doño drumi paden ta purba drenta cura pa horta.
Kizas bisiñanan den Tanki Leendert si lo haya falta di algo. Si ta asina, anto esaki por ta e ladron. E imagennan ta duna indicacion caba ken e persona por ta. Cu carson cortico y shirt manga largo e ta move den marduga. Ademas di rek cabes den cura, ta mira tambe si tin autonan habri.
Ta habri auto reboltea buscando cos di balor pa bay cu ne. Esey sigur un of mas habitante di Tanki Leendert a confirma na nos.
