Tabata alrededor di 5:20 am, despues cu De Molen a cera caba, cu polis a topa un mucha muhe den parkinglot benta na suela. A resulta cu ta un studiante di un scol di medicina. A pensa cu e ta asina burachi, cu el a perde strea di nort, pero e mes ta insisti cu ‘nan’ a tira algo den su bebida.
Polis no a bacila y a pidi presencia di ambulance mesora, pa por brinda e mucha muhe asistencia medico. A haci algun test cu ne na e sitio mes, pero a opta toch pa hib’e Spoedeisende Hulp di hospital, pa nan por brind’e cuido specialisa y avansa.
Ta importante pa, specialmente hende muhe, tira masha bon bista riba nan co’i bebe ora ta den club nocturno asina. Masha facil nan por bende un of otro substancia den bo bebida. Hopi biaha no ta sinti ni e smaak y te ora cy e efecto dal bo, ta laat caba pasobra ya a domina bo. Ta uza e tactica aki pa mucha hombernan por drumi cu mucha muhe, casi sin nan mes sa of ta realisa. Paga bon tino!
