Dialuna anochi net algo prome cu 9or a sosode un atraco arma na Noord. Dos homber cara tapa a drenta e cas Noord 98W y asina comete e atraco. Esaki a sosode dilanti tur e muchanan cu tabata den e cas. E homber den e cas a wordo agredi cu arma di candela den su cabez.
Dos atracador jong y papia spaño a comete e atraco arma. Nan tabata cu cara tapa. Despues di e atraco nan a sali na careda. A bati alarma y Polisnan a mobiliza mesora. Polisnan cu a yega a pidi pa e ambulance y slachtofferhulp pa atende cu e famia. Pafo a mira cierto saco di cuminda benta abou.
Ta parce cu net e homber a yega cas y a wordo atraca. E cas ta di comerciante cu tin un bar na Eagle Beach. Polisnan den e area a cuminsa tira bista mesora. No ta conoci cuanto placa e atracadornan a logra bay cune.
