Recientemente a tuma luga e ceremonia pa entrega diploma na 20 empleado di Sociale Verzekeringsbank (SVb). Durante 9 luna largo nan a sigui un curso special na Scol pa Polis Watty Vos pa bira “Bijzondere Opsporings Ambtenaar”, conoci tambe como BOA. Esaki ta e prome curso di BOA na Aruba, desde cu a stop cu e curso di “Buitengewoon Agent van Politie”. Un total di 22 empleado a cuminsa e curso, pero 2 no a logra termine cu exito.
Esunnan cu a gradua awor tin e poder pa ehecuta e articulonan 14d di e leynan di seguro di malesa y accidente cu ta sanciona e incumplimento di inscripcion di trahado cu un multa administrativo. Di acuerdo cu e ley, e BOA ta bay na pia di trabou, constata cu e trahado no ta inscribi na SVb y a base di su Proces-Verbaal e Director di SVb ta impone un multa. Lo informa Ministerio Publico tambe di e multanan administrativo, specialmente si ta sigui ripiti na e mesun negoshinan.
E empleadonan cu a termina e curso di “Bijzondere Opsporings Ambtenaar” cu exito ta:
- Joanne Bruin
- Jadira Blanco
- Oswin Dijkhoff
- Jorge Faro
- Cristian Garcia
- Darlene Giel
- Edith Haayen
- Monica Heilbron
- Maritza Luidens
- Margarita Orman
- Mayra Paesch
- Inga Ridderstap
- Marysol Thiel
- Roland Thomas
- Marieta Tromp
- Alicia Vrolijk (Miho gradua)
- Maria Walle
- Carlos Webster
- Ivy Wolff
- Dorylee Lopez Penha (Inspector Genera di Salubridad Publico
E nomber SVb ta conoci na Aruba desde 1 di september 1960, e tempo ey bou di SVB Nederlanse Antillen. Desde nos Status Aparte, dia 1 di januari 1986 a nace SVb Aruba. De facto e sucursal di Corsou na Aruba a bira independiente y ta wordo maneha y administra na Aruba mes. SVb ta hunga un papel importante den e sistema di seguridad social na Aruba.
Di e 6 leynan cu ta e base di nos sistema di seguridad social, SVb ta ehecuta 5. Dos seguronan universal: pensioen di biehes y pensioen di vuida/o y di orfano. SVb ta maneha tambe 3 seguro di trahado; Seguronan di malesa y Accidente di trabao y Cesantia.
SVb tin 110 trahado reparti den 3 sucursal awor aki.