Aruba Softball Bond tin varios luna preparando un Selecion Masculino pa cu un campeonato di CONSURSA cual lo tuma lugar na Monteria Colombia.
Diahuebs ultimo tabata tin e delaster training unda pitchernan a traha riba nan perfecion mientras cuadra a traha riba nan double play y batiadornan a hasi nan 60 swing bateando bastante. Despues di training mesora a muda y a bay na cas di Mama Sofia unda Presidente di Aruba Softball Bond Endy Croes a hiba un reunion bastante largo repasando riba tur cos cu a tuma lugar alaves preparando riba lokual ta bay tuma lugar. ASB a reparti un reglamento extenso cual ta cuminsa desde disciplina y ta termina te na determinacion di un atleta pa asina atletanan por enfoca riba lokual nan ta bay hasi esta representa nan pais y trata na hasi esaki na e mihor forma. Endy a splika importancia di disciplina, determinacion y un moral halto competitivo como un team uni lo ta nos forsa pa bataya den e grandinan. E reglamento cu a wordo reparti y repasa ta uno extenso pero na final mester bisa cu atletanan ta hopi motiva pa saca cara di nan pais Aruba. Aruba Softball Bond y henter pueblo di Aruba ta desea Selecion Masculino tur clase di exito.
