Jennifer van der Biezen y Jessica Cordoba awe a bisa “si” na otro awe dilanti e ambtenaar di Censo Aruba, formalisando e prome unon civil entre pareha di mesun sexo. Miembro di Parlamento y alabes un sostenedo grandi di e comunidad LGBTQ+, esta Miguel Mansur, a compaña e pareha durante e momento historico aki.
Desde september ultimo a bira posibel cu tur pareha, pues esunnan di mesun sexo tambe, por cera un union civil y conta riba cierto beneficionan. Asina mes den e cambio di ley, a sigui proteha e instituto matrimonio como esun cu mas beneficio y mas formalisa.
A pensa sigur cu ora e ehecucion di e cambio di ley drenta na vigor, cu sigur hopi hende lo bay inscribi nan mes pa e union aki. Sinembargo a tuma mas of menos un luna y mey pa e prome pareha a opta pa cera un union civil. Manera ta conoci, casamento entre pareha di mesun sexo no ta posibel ainda na Aruba. Mayoria hende ta opta pa bay Boneiro, casa y regresa pa inscribi e matrimonio na Aruba.
