Faltando no menos di diesdos dia pa eleccion parlamentario, sigur un di e partidonan faborito p’e pueblo di San Nicolas ta Partido Patriotico Arubano(PPA). Diadomingo atardi a tuma nota presencia di varios integrante di e partido compaña pa un centenares di sostenedonan den diferente bario na San Nicolas.
Nan a bishita De Vuyst, Essoville y varios otro parti den San Nicolas. Un cos ta sigur, durante un entrevista cu e lider di PPA, Lisette Malmberg, el a confirma cu e pueblo di San Nicolas a acepta nan cu brasa habri. Malmberg a combersa cu un famia di cual un di nan tin cancer y cu tristo cu e por zona, pero tin falta di medicamento, pues nos sistema di salud publico ta fayando!