Kico LGBTQIA+ ta significa?

Den luz di Pride Month nos kier a uza e espacio aki pa asina educa e comunidad di Aruba pa tin miho comprendemento di kico precies LGBTQIA+ ta significa.

Den e cuadro di e ultimo añanan hopi cambio a wordo haci ora ta bin na e mundo di hende nan no-heterosexual. Awendia bo ta haya cu tin varios termino pa locual ta un hende su preferencia sexual. Mirando con lihe y cuanto cambio tawata tin e por ta dificil pa “keep up” cu tur cos.

Dus nos a dicidi di “break it down” pa bo pa asina yuda amplia bo conocemento y compronde e gran mundo di entre otro, homosexualidad.

L

E L den LQBTQIA+ ta significa Lesbian of Lesbiana. E termino aki ta wordo uza pa describi hende muhe cu ta emocionalmente, fisicamente of sexualmente atrae pa otro hende muhe.

G

E G den LGBTQIA+ ta para pa e palabra Gay. E termino aki ta wordo uza pa describi individual nan cu primordialmente ta emocionalmente, fisicamente y/of sexualmente atrae na persona nan di nan mesun sexo. E termino aki por wordo uza pa hende homber y hende muhe.

B

E B den LGBTQIA+ significa Bi-Sexualidad. Esaki ta wordo uza pa persona nan cu ta atrae na ambos genero. Sea un hende homber cu gusta homber y muhe of un hende muhe cu gusta homber y muhe.

T

E T den LGBTQIA+ significa Trans ( Trans-sexualidad )  Eta un termino amplio cu ta wordo uza pa persona nan cu no ta indifica cu e  sexo cu nan a nace cune. Pues nan ta indifica nan mes cu e genero opuesto  cu nan a nace cune biologicamente. Tin ta hasi uza di hormona of cirugia como parti di nan transition y tin cu no.  Tin ta kies pa identifica nan mes como Transgender y otro ta identifica nan  mes como hende homber of hende muher.

Q

E Q den LGBTQIA+ ta para pa e palabra Queer. E termino aki ta wordo uza pa tur loke no ta heterosexual. E ta loke nan ta yama un termino di paraplu cual cualkier persona cu ta  identifica como “ non-straight”.  Y por wordo uza tambe pa persona nan cu no tin un identidad di genero.

E I den LQBTQIA+ ta significa Inter-Sex E termino aki ta wordo uza pa persona nan cu a nace cu un systema  reproducitvo of anatomia sexual cu no ta fit e definition typico di muher of  homber. Por ehempel, e persona a nace ta parse un hende muher di pafor pero su  anatomia di paden ta di un hende homber. 

A

E letter A den LQBTQIA+ ta significa A-sexual.  Esaki ta un un aliado di e communidad. Un persona A-sexual ta un persona cu experiencia poco of ningún tipo di  attraction sexual. Nan no tin deseo nan sexual cu nan mes y tampoco cu  otro persona.

E + den LGBTQIA+ ta para pa tur loke no ta inclui den e abbreviation nan  previo y cu toch ta cai den e spectrum di genero y sexualidad.

Corda cu bo no mester un “ label “ pa ta parti di e communidad aki. Bota valioso.

Nos di Sextasy Aruba kier felicita full e communidad di LGBTQIA+ y ta  invita nan pa pasa serka nos na tienda pa tira bista riba nos collection  nobo exclusivamente escohi. Pasa serka nos di Dialuna pa Diasabra entre 11am-10pm non-stop of  Diadomingo di 6pm-10pm. Of subi nos website y order online! www.sextasyaruba.com

Happy Pride & Stay Sexy!