Diabierna mainta Corte Supremo na Hulanda a dicta un sentencia den 2 caso cu e conocido comerciante di La Linda N.V., esta Haim Hochman, a entama contra su mesun famia, o sea contra e herederonan di su mayornan def. Calman y def. Anna Hochman. Aunke e pareha tabatin 4 yiu, esun mas chikito, Haim, kier a podera di henter e herencia di famia, balora na 100 miyon dollar.
Corte na Aruba a duna e herederonan rason, pero Haim a apela e sentencia na Corte Comun di Caribe Hulandes. Tres hues a trata e caso di nobo y a yega na e mesun sentencia di e prome hues. Haim no a keda contento y a apela na Hoge Raad na Den Haag, pero a perde esey tambe siman pasa.
Basicamente huesnan a conclui cu e fortuna di famia Hochman ta bay parti igual pa e 4 yiunan, aunke 2 a muri caba y a laga respectivamente tres y dos yiu atras pa hereda herencia di nan wela.
Lesa TREMPAN pa un relato extenso di henter e storia aki, cu awo porfin a yega na un final.