Dialuna, den careda di 5’or di atardi, a sosode un accidente den cadena entre 3 auto. Ora cu polis, hunto cu unidad di trafico a yega na e luga, nan a topa cu 3 auto accidenta net na e entrada di Botica Santa Anna na Noord. Polis a tuma nota cu den cada auto tabata tin un persona cu slanan leve. A manda pidi presencia di ambulance pa asina atende cu e tres heridonan aki. Polis a tuma tu dato di e autonan cualnan ta un Toyota Hiace van blanco, numera A-40169, un Toyota Prado color oro, numera A-43130 y un Kia Sportage shinishi, numera A-25848. Segun cu polis di trafico a saca afo, a bin resulta cu e Kia Sportage biniendo for di p’ariba, no a paga tino cu e prado y e van a para, cu e consecuencia cu el a dal tras di e Pradoy na su turno a bay dal tras di e van. Daño material ta minimo.
