Diadomingo mainta, algo prome cu 5’or, a sosode un accidente den Bernhardstraat, un poco mas p’abao di ex Greenhill Supermarket, caminda cu un Nissan Fuga RHD color preto tabata bayendo direccion rotonde di FTA.
Ey ta caminda cu un KIA Rio color cora, bayendo direccion ariba, segun testigonan y tambe chauffeur di e Fuga, ta conta cu e chauffeur di e KIA Rio color cora, a bin riba dje y a dal’e frontal. E chauffeur tabata mustra poco cansa.
A haci test pa mira si e chauffeur di KIA tabata bao di influencia, pero esey no tabata e caso. Daño material tabata bastante. E Nissan Fuga no por a move riba su mes, caminda cu a pidi presencia di takelwagen pa por a bay cun’e.