Un accion cu a cuminsa banda di 4or di marduga diaranzon a termina te banda di 5or di atardi. Esaki ta un investigacion caminda RST ta lidera e caso yama Sealand. A pidi yudansa di esnan di Mariniers Kazerne specializa den listramento.
E grupo aki a listra rond di e areanan caminda inval a tuma lugar entre otro na Cashero. Douane cu team di cacho, Polisnan tambe ta parti di e grupo cu a reforsa RST den e entradanan.
Tambe a mira presencia di Arestatie Team cu a drenta sigur dos of mas adres marduga pa hasi e detencionnan. Na Sero Colorado y tambe na Cashero a usa Arestatie Team. Te cu na final di e prome dia di investigacion a hasi cinco entrada hudicial. A drenta na Sero Colorado cu Cashero, Savaneta cu Safir y tambe na un cas na Alto Vista. Cinco detencion tabata tin y tambe a confisca droga y arma di candela.
Banda di Airport tambe a blokia un auto y asina a hasi detencion di e chauffeur di e Lexus blanco. Tremendo trabou di autoridad cu a desmantela e banda criminal cu ta den crimen organisa hacienda traficacion for di Aruba.
