Diadomingo ultimo 5 vloggers a yega Aruba pa asina filma nan experiencia durante un dia y mey pa despues edit esaki y participa den un competencia di film cortico organisa pa Marriott. Un vlogger ta un persona cu ta filma su experiencianan diario of ora di biahe y ta publica esaki riba internet. E vloggersnan tabata liber pa filma locual cu nan kier pero nan mester a inclui maske ta un parti chiquito pa ilustra e propiedad di Marriott.
Minister Mike de Meza tabata tey na Diamant Berg Weg. El a hiba palabra durante su presencia y apertura di e proyecto di FCCA pa San Nicolas. Minister de Meza a splica cu esaki ta un momento hopi grandi pa San Nicolas. E mes conoce e barrio aki desde hopi tempo pasobra e tabata hunga den e barrio aki.
Diabierna atardi a sosode un accidente riba e crusada di Driemasterstraat y Sta. Helenastraat ora cu chauffeur di Kia Sportage a bay dal den Lexus Rx 30 riba su caminda di preferencia. Den e Lexus abordo tabatin un pasahero dama na estado sinta dilanti cu a sinti su curpa malo y tabata keha diferente dolor. Esnan abordo e Kia sportage a sali ileso. Ambos auto a keda cu basta daño material. Ambulance a transporta e pasahero na estado abordo e Lexus pa Hospital.
Special Olympics Aruba tur aña ta tene un actividad pa asina crea consciencia den nos comunidad pa cu nos atletanan special. E aña aki esaki no lo bira un excepcion. Pa loke ta e ultimo añanan, Special Olympics Aruba a tene diferente demostracion di loke nan atletanan special por haci riba tereno deportivo. E actividad aki ta uno obligatorio y ta tuma lugar rond mundo y pa Specials Olympics ta hopi importante pa asina nan haya acreditacion.
Banco Central di Aruba ta premira cu economia di Aruba ta bay crece e aña aki cu 5.1%. Empresarionan ta wak futuro cu confianza, manera a sali na cla for di un encuesta haci dor di Banco Central. E encuesta aki a demostra cu sector comercial ta wak di manera positivo e desaroyonan economico y ta optimista pa cu futuro. Den e tres añanan despues di cambio di gobierno e confianza a subi enormemente.
For di publicacionnan den Prensa nos por a tuma nota cu minister Visser lo a entrega na gobierno un business plan pa Instituto Medico San Nicolas, IMSAN. Como cu, manera ta e custumber cu e gobierno aki, Parlamento un biaha mas a keda sin ricibi copia di e business plan aki, d
Diaranzon atardi e weganan di Liga Hubenil di futbol di AVB presenta pa Gatorade e bebida di nos hobennan futbolista a continua cu e playoff final di Caya 6, unda nos a haya e mihor seis equiponan den Division di Mayor batayando. Na tereno di Dakota, e amariyonan a ricibi e naranhadanan di Sta Cruz cu ta Estrella, aki e equipo di cas ta logra un victoria convincente di 3 - 0.
Awenochi pa 9 or atravez di ATV Canal 15 lo tin un otro programa di Minister Otmar Oduber. Tur siman un otro periodista ta invita pa hasi e preguntanan na e Minister. Awe lo toca turno na Mark-Benson Denz di 24ora.com . E programa ta live y televidentenan lo por jama pa hasi pregunta.
Entre nan e criteria di e Ley di Reino pa supervicion financiero lo ta aplicabel pa Aruba Relaciona cu e Protocol di Diahuebs Santo cu a keda firma entre Aruba cu Hulanda, e parlamentario Hulandes Bosman di VVD a haci preguntanan oficial na Minister Plasterk di Relacionan di Reino.
La Salle College kier a invita mayornan y alumnonan di CA1 (Klas 3) pa un anochi informativo. Esaki lo tuma luga diamars 23 di april na La Salle College. E orario ta di 17:45-20:00 or.
Diabierna ultimo nos a yega klas 5 di Faith Revival School, unda cu bastante mucha tawata bisti na oranje y ademas casi tur mucha tawata tin un corona oranje riba nan cabez. E klas tawata dorna bunita cu potretnan di e Famia Real. Tur esaki pa lansa e comienzo di un temporada di celebracion pa e Weganan di Rey cu lo tuma lugar dia 26 di April 2013.
E campeonato regular di Division di Honor ta yegando su ultimo fecha y ainda tin algun asunto cu no ta cla. E “Amarillo nan” di Dakota ta logra un Victoria importante di 3-0 riba La Fama y ta mantene speransa di drenta den “Calle 6”. Cu e Victoria Dakota ta yega 17 punto y ta 3 punto tras di Riverplate y Estrella, ambos cu 20 punto.
E caso di e accidente fatal caminda un mama y su criatura di siete luna den barica ainda no ta sera. Cu ministerio publico a laga e chauffeur cu tabata bebi den libertad no nifica cu e ta liber di acusacion. E lo mester wordo presenta dilanti huez. E chauffeur trahando na imigracion na aeropuerto y cu tabata cuater biaha mas bebi cu ley ta permiti lo mester bin dilanti di huez.
Rene Herde lider di fraccion di AVP a bolbe trece e tema di ensejanza dilanti, den conferencia di prensa, cu enfasis riba e calidad di crèche, pa loke tin hopi reaccion. Hopi ta e yamadanan cu AVP a haya pa pasa bishita diferente crèche cu ta bon, y otronan cu tin hende ta bisa cu no ta bon.
Den un entrevista cu Katuizka Antersijn, presidente di sindicato TEAM na Westin, el a conta un tiki riba e historia di e sindicato. TEAM a wordo funda pa su mes trahadornan ocho anja pasa y cada dos anja ta elegi directiva. Actualmente tin hopi rumor rond pasobra tin otro sindicato cu kier drenta loke ta derecho di cada ken di busca otro sindicato.
Durante un temporada di 10 siman e lidernan di traimerdia Sabana Basora a pone extra enfasis riba lesamento trahando riba e tema reciclahe. Organisadornan tin palabarnan di Danki na Digicel pa su aporte financiero, cu por a cumpra tur bukinan nesecario pa trata e tema aki na diferente maneranan atractivo pa stimula e muchanan pa lesa mas.
Na San Nicolas den Diamant Berg Weg tabata tin un conferencia di prensa pa asina inaugura e proyecto di FCCA hunto cu gobierno. Representantenan di Team BoBarrio, representantenan di parlamento y tambe dos minister tabata presente. Awor FCCA tin un oficina cu lo bai contribui na mehoracion di e area Diamentberg Weg y vecindario.
Pa medio di esaki, Fundacion Gabriel Flores conhuntamente cu Hyatt Regency Resort Aruba, Aruba Marriott Resort, ATA & Serlimar ta invita un y tur pa e Celebracion y Caminata di Dia di Tera riba diadomingo 21 di april. E Celebracion aki lo inicia den forma di un feria yen di ambiente ya caba pa 12’or di merdia cu diferente actividad, manera pintamento y facepainting pa mucha y informacion/charla di nos medio ambiente, naturalesa y turismo unda ATA lo ta presente cu diferente premio.
Cu pasonan acelera inicio di e conferencia ‘Europe meets the Americas’ (EMA) ta acercando. Esnan encarga cu e actividad aki ta trahando dia y anochi pa percura pa e conferencia ta exitoso. Exitoso e ta bay ta sigur mirando e cantidad grandi di inscripcion y interes continuo di empresanan pa participa.
E siman aki ta tumando luga e ‘Conferencia Annual de Turismo Aruba’ cu a habri oficialmente na Brickel Bay – Sand Bar cu un tremendo evento pa yama tur e participantenan un caluroso bonbini. Su siguiente dia, e conferencia a tuma luga na Westin Resort Casino & Spa cu a inicia cu un presentacion di Sra. Ronella Tjin Asjoe-Croes, CEO di Aruba Tourism Autority.
Recientemente a tuma luga un conferencia di prensa na unda The Pancake Gallery Foundation y RBC Royal Bank a firma contract unda RBC lo fungi como e Main sponsor di Art Rules Aruba 2013 pa di tres aña consecutivo. Sr. Pierre Rafini, Area Vice President di RBC Royal Bank (Aruba) N.V. a hiba palabra unda ela bisa di parti di RBC nos ta hopi orguyoso di forma parti di e programa aki cu a mustra di ta hopi exitoso y di un nivel hopi halto.
Recientemente RBC Royal Bank (Aruba) N.V. a lansa su producto nobo cu yama "Professional Package". Durante un conferencia di prensa Sr. Pierre Rafini, Area Vice President Business Banking di RBC Royal Bank (Aruba) N.V., a indica cu e pakete aki ta ofrece condicionnan flexibel cu interesnan y gastonan di administration faborabel na un cierto grupo di profesionnan aki na Aruba.
Recientemente a tuma luga e lansamento di un proyecto nobo di JCI YALA Young Active Leaders of Aruba. JCI YALA ta un organisacion di JCI nobo aki na Aruba cu a lanta recientemente cu e meta pa duna oportunidad na young professionals pa desaroya nan mes y trece cambio positivo den nos comunidad aki na Aruba y riba nivel mundial.
Ora Parlamentario hulandes haci pregunta e ta zakelijk y ora aki na Aruba fraccion di PDR haci pregunta diripiente ta hunga politiek segun mr. Andin Bikker. Loke e lider di PDR kiermen cu esaki, pasobra siman cu pasa parlamentario Bosman di VVD a haci cierto pregunta na gobierno hulandes den mesun liñea practicamente cu fraccion di PDR a bin ta haci pa basta tempo caba na gobierno di Aruba.
Reino hulandes den su totalidad lo celebra e aña aki e ultimo Aña di La Reina. Esaki Aruba Table Tennis Association sigur tambe lo haci riba diadomingo 28 di april 2013 na Centro Deportivo Betico Croes cu e “Torneo Aña La Reina”.
Siman pasa tabata tin veredicto den caso di Europehouse. Gabinete Mike Eman a cumpra e edificio unda e restaurant Dolce Vita tabata situa. Eyden a keda estableci e Europehouse.
Minister Dowers a topa cu cursistanan cu un biaha mas a bolbe logra otro parti importante pa e seguridad na KIA. Awor adicional lo bin personal cu medionan adicional. Ainda tin mas training tumando lugar. Ta momento importante pa KIA. Tin grupo grandi hende trahando den KIA.
Den conferencia di prensa di fraccion di AVP, Rene Herde a splica cu Diabierna awor nan lo tin apertura di Green Square. Esaki ta un centro di encuentro pa hobennan di tur edad, y e lo ta na e cruzada di LG Smith Boulevard y Adriaan Lacle Boulevard. E ta bai ta un actividad grandi y esey ta e manera con AVP ta start nan actividadnan di campanja. E apertura ta pa 6:30 or di atardi y AVP ta invita un y tur pa ta presente. Diadomingo 21 lo tin apertura di sede di AVP den Pos Chikito. AVP tin e tradicion no solamente den gobernacion pero tambe den tempo di campanja di ta mas cerca di pueblo den tur bario.
Dia 12 di Februari un otro Referendum a wordo pidi door di STA y e biaha aki pa full hotel. Katuizka Antersijn a splica esaki den un entrevista. El a conta nos cu TEAM a dicidi cu nan tambe ta bai Referendum y ta busca sosten. STA a presenta un lista di 194 persona, y TEAM a acerca mediador pa tambe participa.
E fin di e siman aki lo tuma lugar e di 118 competencia di Pen Relays na Franklin Field, Philadelphia lo ke ta haci Penn Relays e competencia colegial di atletismo e mas bieu di Merca. Na cuminsamento solamente atletanan masculino tabata permiti pa participa. Ta te na 1962 nan a tene e prome evento pa mucha muhernan.
Conferencia 'Europe Meets the Americas' (EMA) tin tur e elementonan necesario pa bira un evento exitoso y productivo pa tur e partidonan envolvi. Segun e Senior Policy Advisor di Minister di Asuntonan General, Elvis Tjin Asjoe, e iniciativa di Gabinete Mike Eman pa comberti Aruba den un hub entre comercio di Europa y Sur y Centroamerica, tin e potencial pa bira un pilar adicional di nos economia y aumenta nos GDP cu aproximadamente 15%.
E hospital tematico ta factibel? E pregunta no mester ta cu si e ta factibel, pero si e tin derecho di existencia! Den otro palabra, cu si nos pueblo lo beneficia di dje y si nos por paga p’e sin perhudica nos pueblo mes. Nos a tuma nota cu sr. Visser tin problema pa pone apenas 9 miyon extra pa aña pa e hospital aki.
Setar conhuntamente cu Young Blood Foundation y otro sponsornan cu tur aña ta apoya e competencianan di flie ta bai haci e celebracion di e aña aki aun mas grandi cu lo hiba e nomber: “Kite Slam 2013, Oranje Boven”.
Awe Fatum General Insurance N.V.(Fatum), un sucursal di Fatum Holding N.V., a concretisa exitosamente e traspaso di 100% di e capital di e accionnan aloca di Royal &Sun Alliance Insurance(Antilles)N.V. (RSA) di RSA Group y Maduro & Curiel’s Bank. Tur e aprobacionnan necesario pa Banco Central di Corsou y St. Maarten y Banco Central di Aruba, a keda otorga pa cu esaki.
Francis Jacobs ta continua cu su bishitanan den e bario di Tanki Leendert/Tanki Flip, e bario na unda el’a lanta, a wordo cria y te dia di awe ainda ta na unda e ta bibando. Tin di bisa cu Francis Jacobs ta un persona hopi conoci mes aki na Aruba pa su bon trabaonan cu el’a desplega tanto ariba tereno di turismo, cultura y un parti den deporte.
Mr. Juan Ady Thijsen a ricibi directamente for di Hulanda for di colega di Tweede Kamer un copia di contestanan di Ministro pa Asuntonan di Reino senjor Plasterk na miembro di Tweede Kamer senjor Bosman di VVD. Manera conoci senjor Bosman a manda un serie di 10 pregunta na Ministro Plasterk tocante e protocol firma dor di Prome Ministro di Aruba Mike Eman y e Ministro Hulandes.
Durante e ultimo dos simanan departamentonan meteorologico di Noord i Central America i Caribe a reuni na Corsow pa discuti ariba asuntonan di interes comun, incluyendo preparacion pa e temporada di Horcan 2013.
Colegio Arubano, Ciclo Basico a clausura nan proyecto ‘Pesten’ cu un caminata. E caminata tabatin e meta di trece e mensahe di concientisacion cu mester stop cu ‘pestmento’ di otro.
Aruba Softball Bond a tene un reunion cu su miembronan diaranson 10 di april ultimo na Technical Center Angel Botta den stadion Frans Figaroa unda gran mayoria di representante di clubnan miembro tabata presente y a tuma diferente decision. Campeonato masculino tanto A-klas como dobel A (AA) lo inicia diahuebs 16 di mei riba veld di Kudawecha.
Lider di fraccion di AVP Rene Herde a toca e tema di e Acuerdo di Diahuebs Santo den conferencia di prensa. Tabata tin un debate den Parlamento riba esaki, riba peticion di partidonan di oposicion. Nan a cuminza e prome ronda y e di dos mester wordo yama y AVP ta spera cu esaki sosode na corto plazo.
Manera menciona den un comunicado anterior e consumido por apela riba garantia legal a base di uso normal di e producto. Si bo no ta usa un producto di manera normal y esaki ta causa cu e producto ta kibra, anto e ora bo no tin derecho riba garantia. Pues e disposicionnan di garantia legal ta basa riba uso normal.
Durante e conferencia di prensa relaciona cu actividadnan di Brazil, sr. Chico Harms a informa encuanto e actividadnan di Centro di Bario Brazil cu ta un Festival di calypso y Roadmarch pa cantantenan di e Brazil y vecindario cual lo tuma lugar dia 10 di augustus venidero. Tambe e di dos elección di MOSA CULTURAL dia 24 di augustus unda un cantidad di 10 dama por participa y cu ta priminti di ta acompanja pa shownan di halto nivel.
Durante un conferencia di prensa comisión Bernadina Growell hunto cu Centro di Bario Brazil a anuncia diferente actividad den bario. Presente tabata sra. Lena Orman Yarzagaray, sr. Chico Harms, sr. Persey Jeandor y sra. Mervin Wyatt-Ras. Mervin Wyatt-Ras a introduci cu comision Bernadina Growell desde anja 2011 a bin ta organisa diferente actividad cultural cu e meta principal di rindi homenahe na mama di cultura q.e.p.d. sra. Bernadina Growell Kock.
POLLXT_LOADING
