Presidente di Aruba Taekwondo Bond Dr. Guaicaipuro Jimenez a presenta e team cu ta bay representa Aruba na e di X Costa Rica Open na San José, Costa Rica e dianan 1 pa 3 di September.
E team a prepara bon pa e evento aki cu ta G1 Ranking y cu participacion di 200 atleta for di Mexico y ta un campeonato di nivel. Aruba ta participa den e categoria di Infantil cu Zahyon Thielman y Kaylon Bislip. Den e categoria di Cadet Aruba ta conta cu participacion di Nasip Bislip. Den e categoria di Senior Eiber Torres y Angelo Rodriquez lo participa. E team aki lo bringa den e dianan 1, 2 y 3 di September y lo wordo guia pa coach Teofilio Rodriguez. Dr. Guaicaipuro Jimenez ta contento cu Aruba tin un participacion asina grandi e aña aki na e di X Costa Rica Open cu ayudo di Lotto pa Deporte cu a haci posibel cu e team por biaha pa Costa Rica pa representa Aruba.
