Diasabra ultimo, Kiwanis Club di Club Palm Beach a organiza un hands-on project na e West Park di Stichting Neptali Henriquez. Actualmente por medio di inversionan publico y priva, a logra introduci un Linear Park, un Surfside Marina, un Neptali Park renoba, y mucho mas na e area di Talk of the Town. Pero keto bay ta keda un tereno entre Surfside Marina y Neptali Park cu a crece bira un mondi chikito y hasta cu ta crea un obstruction pa wak e lama directamente. Pa es motibo, Kiwanis Club of Palm Beach a puntra Stichting Neptali Park si nan mester ayudo cu un clean-up pa e tereno aki, y locual e directiva di Stichting Neptali Henriquez a acepta cu man habri.
Naturalmente teniendo cuento cu nos flora y fauna a hasi un inspeccion promer cu e actividad pa sigura cu no lo causa ningun daño na nos flor y fauna of cualkier bestianan cu lo por ta bibando den e area aki. Na final di activad, Kiwanis Club of Palm Beach y e directiva di Stichting Neptali Park tawata satisfecho cu e trabow eherci y cu ta duna un bunita vista pa lama awor. Ademas, Kiwanis Club of Palm Beach kier a enfatiza cu e esaki no solamente tawata un clean-up, pero tambe un actividad pa inspira ideanan na organizacionan cu ta traha muchanan y hubentud por medio di uzo di e tereno aki.
Kiwanis Club of Palm Beach
Kiwanis Club of Palm Beach Aruba ta forma parti di Kiwanis International, un organisacion mundial di voluntario dedica na cambia mundo, cuminsando na un comunidad y un mucha. Nos ta un organisacion den crecimento, dedica na yuda muchanan di mundo henter hisando nan calidad di bida.
Pa mas information di Kiwanis Club of Palm Beach bishita nos webpage na www.kiwanispalmbeach.com of nos Facebook fan page na https://www.facebook.com/kiwanispalmbeach.
