Cada pais tin un atraccion special cu ta promove e isla den un forma excepcional. Na Corsou, e no ta un excepcion. Wendel Sluis ta conoci den pueblo di Corsou como Yuwana Man. Su yuwananan ta pone man riba su mes pa e por come.
Hopi Arubiano ta bin Corsou y ta topa cu Wendell den Punda, hunto cu su animalnan.
Riba un dia na 1987 el a bin den caya p’asina e gana su pan di cada dia. For di barconan turista ta haya esaki. Un dia den Band’abao, e ta mira hendenan ta para nan auto den mondi pa nan saca e yuwananan.
E di, e ora yuwana e lo bay pe pasobra e ta bon mira. E hendenan kier a mira e yuwanan. Eynan el a cay riba e idea.
Ta masha hopi aña pasa cu esaki ta su entrada principal pa e biba. Sluis tin cu come y biba y e tin cu haci su respondinan.
Sluis ta remarca cu unabes cu turistanan saca potret cun’e, nan ta bandona e luga contento. Pero esaki no ta bay sin contratiempo. Wendel Sluis ta conta cu e ta pasa den hopi cos, pero semper el a keda su mes. Despues cu e muri, e no sa ken lo bin na su luga. Awo cu ainda e ta na bida, ta e so por haci esaki. Sluis ta reconoci rond mundo. El a bay Merca tres biaha door di su yuwananan.
Sluis tin 6 yuwana ta biba cun’e. Y nan ta traha den shift di 3 siman cada uno y nan tin un bida dushi. Nan ta drumi den washok abao, cu nan colchon pa nan por drumi riba dje. Den haula no ta nada dushi. Eynan nan Corsou tin e hendenan di Hulanda cu ta bin discrimina bisando cu nan mester ta den mondi. Sluis ta menciona cu nan no tin verstand di e cos aki.
Mayoria biaha ta laga e yuwanan bay bek den su habitat pa coy otro. Ta keda si semper cu uno pa esun mir’e pa e keda hunto cubo. Sluis ta menciona cu e yuwanan ta crece bira hopi grandi mes cu ni carga e por carg’e.
E ta custuma e yuwananan pa mira hende, asina nan ta keda calmo.
Sluis ta spera cu e Arubianonan bin, pa bin saca potret cun’e hunto cu su yuwananan. E kier pa tur Arubiano bin y keda hari. E Arubianonan ta jolly y bon hende y ta draai cu nan.
E yuwananan di Sluis tin un dieta hopi saludabel manera papaya, patia, kropsla, mango dos biaha pa dia. Sluis y su animalnan ta bay cas den careda di 6 pa 7’or. Normalmente no mag di bay cu bestia den bus, pero nan ta haci excepcion cu Sluis. E animalnan ta drumi den su handbag cu nan colchon y bon cuida.
