A pidi presencia di polis na ImSan pa un persona agresivo. Diferente unidad a yega y a compronde cu un rato prome un homber lo a lanta cu paramedico na e sitio y te asta bay asina leu di lanta stoel y tir’e riba nan.
Esaki a tuma luga algo pasa di 3:30 pm na San Nicolas. Un rato despues por a saca afo cu e situacion ta mas compleho. Tabata trata di un yiu homber cu no por a asimila su perdida. Informacion di fayecimento di su tata a conduci na e reaccion agresivo y debi na esey mester a pidi presencia di polis pa calma e situacion.
Den e caso aki, a tuma contacto cu slachtofferhulp pa asina e por ricibi sosten y ayudo cu e mester den e momento dificil aki.
