Dialuna mainta gerencia y personal di the Athlete’s Foot situa na caya Betico Croes den caya grandi ta yega pa habri su negoshi bay den oficina y descubri un sorpresa desagradabel.
Empleadonan a nota algo inusual, esta a constata cu ladronnan a kibra drenta den e luga.
Ladronnan a uza un billboard chikito cu a sirbi como un trapi, via cual a subi bay na e parti ariba di e edificio, y asina a logra kibra bentana y bay paden na di dos piso. A reboltea e warehouse y bay cu cantidad di keds y paña.
Polis a bin na e sitio y tuma tur datos.
No por bisa balor di e mercancia cu a bay cune, ya cu gerencia tin cu haci un inventario y despues manda e lista.
Lamentablemente e camara no a capta e movecionnan manera mester ta, pero tin un sospecho fuerte riba esnan culpabel.
Departamento tecnico ta sigui haci nan investigacion, sperando dentro di poco por pone man riba esnan responsabel.
