Awe e barku di tres master V/E Capitán Miranda di Uruguay ta yega pa keda algun dia den haf di Kòrsou i djoin den e aktividatnan rondó di Dia di Bandera den Otrobanda. Originalmente e komité organisadó a informá ku yegada di e barku di bela tabata planiá pa alrededor di 10 or di mainta na entrada di Santa Ana.
Sinembargo, debí na bientunan fuerte i favorabel a hala e orario dilanti. Kapitan di haf a haña e informe ku na lugá di 10 or ta kalkulá ku ya entre 6 i 7 or di mainta e barku lo por presentá den boka di haf pa despues bai mara na waf di Mathey den Otrobanda. Tene bon na kuenta ku nan ta nabegá riba bientu i p’esei ta difísil pa determiná e orario eksakto di su yegada. En todo kaso djasabra mes e barku lo no ta habrí pa públiko pero for di djadumingu si.
