Dialuna a surgi un situacion caminda un persona di edad a pidi ayudo di polis pa un asunto personal cu a pasa cu ne. Dado momento el a bira desespera y hendenan eybanda tambe a cuminsa bati alarma cerca autoridad.
E echo a sosode den oranan di anochi caba y e Chines, unda e señora tabata sinta, a haya hopi duele pa cual a dicidi di yama polis. Mas pasobra el a mir’e varios biaha ta yora.
Por a compronde cu e momento ey tabatin diferente incidente, pa cual e polisnan di Playa tabata druk. Sinembargo nan a yega despues di mas o menos tres ora. Ey a bin compronde cu ta trata di un señora cu ta biba su so y aparentemente a cera su yabi paden. Y e no tin forma pa comunica cu ningun hende. Riba dje, e no ta cana bon tampoco.
Finalmente, algun persona di Dakota a dun’e un lift pa su cas. Un yiu cu a mira loke tabata pasando a yega eynan pa habri e porta di cas pa su mama por drenta paden.
