Diaranson a cuminsa cu proceso pa habri tur e containernan cu a bin for di China cu klapchi. Un total di 16 container tin riba tereno di Wela, despues cu nan ayuega na waf di Barcadera y a wordo hiba na Wela.
Awe a cuminsa cu e proceso pa habri nan, unda cu comision di vuurwerk tabata presente, hunto cu Douane. Nan ta controla cu tur cos ta na ordo segun e documentonan cu a wordo entrega pa loke ta e parti di impuesto. Y e comision di vuurwerk tambe tin un rol ta hunga unda cu nan ta controla e klapchinan pa asina garantisa cu e tipo di klapchi cu a wordo treci, ta klapchinan cu por wordo tira na Aruba. Si tin klapchinan nobo cu nan no conoce e klapchinan ta wordo getest pa asina mira nan potencia y si nan ta considere como klapchinan peligroso, e no ta subi mercado pa e wordo bendi. Tur esaki ta parti di e proceso cu a cuminsa diaranson. manera custumber riba tereno di Wela y asina nan ta prepara tur cos pa dia 27 di December oficialmente marduga, ya caba e prome containernan ta sali pa nan destinacion pa diferente punto di benta unda cu e ta wordo bendi. Eyriba mes importadornan ta haci varios reparticion caba den diferente container, pa asina haci e trabao mas facil, pa dia 27 tur cos ta cla pa e klapchinan subi mercado pa wordo bendi.
