Relaciona cu introduccion di BTW, algun gremio a bin pa dilanti den un conferencia di prensa y bisa cu introduccion di esaki lo no ta algo faborabel ni pa e comerciante ni tampoco p’e consumido. Durante un conferencia di prensa di minister mr. Xiomara Maduro, a puntr’e si e ta na altura di e malcontento cu ta reinando entre e gremionan.
Maduro a splica cu durante henter e trayecto di BTW gobierno a bin ta ricibi diferente comentario di parti di gremio den e sesionnan di stakeholders, pero di otro banda a ricibi carta di e gremionan den cua nan a haci sugerencia y kico nan ta mira como aspecto problematico.
Idea pa e sesionnan aki tabata pa acumula tur e feedback pa wak kico ta locual cu por cambia y “cambionan a wordo haci.” Pues, Maduro ta compronde pakico gremio ta saliendo afo, organisando lezing riba BTW, cu “casi nan ta parce un partido politico.” Sinembargo, e punto principal ta, segun Maduro, cu nan no tin e informacion completo, pues e informacion cu nan ta brindando aworaki na nan miembronan “no ta informacion final, paso informacion final ta ora cu, cu tur respet, ora cu minister di finansas bin splica bo.”
Pa un relato mas amplio, lesa edicion di TREMPAN.
