Manera ya ta conoci, diaranson atardi alrededor di 6:49 pm a activa polis, brandweer y ambulance p’un ciclista cu a cay y ta for di tino. Na yegada, berdad mester a cana un bon pida prome cu yega na e ciclista herida.
E paramediconan a haci tur locual tabata den nan alcanse pero no por a yuda e ciclista. Lito Lacle ta vocero di Cuerpo Policial, el a conta cu pa 8:10 pm Dokter Texier a presenta na sitio pa confirma morto di e persona. Ta trata di Wilson Ibarra Ortega di 57 aña di edad. Lacle a conta cu, despues cu e ciclista a cay, a pone sinta riba un baranca pa djey e sak den otro y bay fo’i tino.
E cooperacion entre polis, ambulance y brandweer tabata un exito, pero no por a haci nada pa e victima. Di parti di Headlines Group, e cas editiorial di 24ora.com y TREMPAN, ta manda palabra di profundo condolencia pa famia di e fayecido.
