Diahuebs atardi central di Polis a haya un yamada cu e cushina di Well Wel Bar Restaurant, situa na Sero Biento ta na candela. Mesora unidad di bombero y polis a acudi na e sitio. Na yegada e situacion tabata bou di control. E chines mes a logra paa e candela. E candela a keda solamente na un weya cu cuminda cu a pega na candela. E lugar mes no a sufrfi daño pasobra e chines a reacciona na tempo. Automobilistanan cu tabata transita riba caminda a yama polis mirando huma saliendo di e cushina. E huma a pone hendenan tambe bati alarma y asina a logra reaccion rapido. Bomberonan despues di controla e situacion a bandona e sitio.
