Den un conferencia conhunto di Comite Olimpico Internacional y e comision organisador di Weganan Olimpico Toki 2020 a anuncia cu e competencia aki ta posponi pero no pa mas laat cu 2021.
Presidente di Comite Olimpico Internacional Thomas (COI) y Prome Minister di Hapon ABe Shinzo, a discuti den e conferencia di prensa e cambio continuo pa loke ta COVID-19 y Weganan Olimpico Tokio 2020.
Otronan presente tabata Mori Yoshiro, Presidente di e Comite Organisado Toki 2020; Minister Olimpico Hashimoto Seiko; Gobernador di Tokio Koike Yuriko; Presidente di Comision Coordinador di COI John Coates; Director General di COI Christophe De Kepper; y Director ehecutivo di Weganan Olimpico, Christophe Dubi.
Tabatin yen palabra di elogio pa tur esnan cu a traha riba organisacion di Tokio 2020 y alabes a expresa preocupacion, mescos cu resto di mundo, pa COVID-19 y kico e ta haciendo cu bida di hende, su impacto riba preparacion di atletanan rond mundo pa e Wega. A elogia e progreso haci na Hapon pa lucha contra COVID-19.
Bou di e circumstancianan actual y basa riba informacion provee door di Organisacion Mundial di Salud, COI a conclui cu mester reprograma Weganan Olimpico Tokio 2020 pa fecha despues di 2020 pero no mas laat cu zomer di 2021, pa sigura salud di atletanan, tur esnan envolvi den Weganan Olimpico y comunidad internacional.
E lidernan a acorda cu e Weganan Olimpico di Tokio ta para como e luz di speransa pa mundo den e tempo turbulento aki y cu e candela Olimpico ta e luz na final di e tunnel na unda mundo ta aworaki. Pa e motibo aki a dicidi cu e candela lo keda cendi na Hapon. Tambe a acorda cu e nomber Olimpiada y Weganan Paralympico Tokio 2020 lo mantene e nomber.
