Un rato pasa 24ora.com a start cu un conferencia di prensa na WEB Aruba NV relaciona cu e blackout di coriente riba nos isla. Awe nos ta spera di tende ken lo responsabilisa pa e daño cometi na nos economia, cu ta core den miyones di florin. E director di WEB mes lo hiba palabra hunto cu henter gerencia di e compania di produccion di awa y coriente.
Na 2018 Aruba a conoce dos blackout y na 2019 un otro caso. Bou liderazgo di Luis Oduber, esaki a bira e di cuater blackout den apenas tres aña di tempo. Ta necesario pa yega na e motibo real di esaki, cu nos isla ta conoce tanto blackout asina y fayonan tecnico na WEB.
